Бæрндзинад куы æнкъарай

6 июля 2015 Новости [версия для печати] [читать комментарии] [размер шрифта: a- | А+] [1855 просмотров]
Нæ горæты цæрджыты æнæниздзинад фидардæр кæныны бирæ хæрзты бацыд нæ горæтон поликлиникæйы медицинон персонал. Уыдон æнæзæрдæхудтæй лæггад кæнынц рынчынтæн. Поликлиникæйы йæ сырæзтæй фæстæмæ бирæ бæрзондквалификациджын дохтыртæ куыста æмæ абон дæр кусы. Сæ куысты уыдон æнкъарынц бæрндзинад æмæ афтæмæй æххæст кæнынц сæ разылæууæг хæстæ.
Кæцыфæнды коллективы куыстæн дæр цахæм æнтыст уыдзæн, уый бирæбæрцæй кæнгæ у йæ къухдариуæггæнæгæй. Горæтон поликлиникæйæн та йæ сæргъ ныртæккæ лæууы медицинон зонæдты доктор Цоциты Аллæ æмæ ууыл у нæ ныхас дæр. Уый райгуырд æмæ схъомыл нæ горæты. Йæ сабибонтæй фæстæмæ Аллæ йæхи амондджыныл нымадта, уымæн æмæ хъæбулы рæвдыд æййæфта дыууæ фæлтæр хъомылгæнджытæй. Нæ республикæйы цæрæг хистæр фæлтæрæй стæм разындзæнис йæ ныййарджытæ - Цхуырбаты Азæ æмæ Цоциты Русланы чи нæ зыдта. Руслан советон дуджы бирæ рæстæджы дæргъы фæкуыста партион органты, уыдис Цхинвалы райæххæсткомы сæрдар. Фæлæ, Аллæ куыд зæгъы, афтæмæй йе схъомылгæнджытæ та уыдысты йæ мады æфсымæр Цхуырбаты Сурен æмæ йе 'мкъай Хъоцыты Назирæт. Цхуырбаты Сурен бирæ азты дæргъы фæкуыста базарадон центры хистæрæй. Уыдон уыдысты æнæзæнæг æмæ Сурен хъомыл кодта йæ хойы хъæбул Аллæйы. Æмæ уæдæ Аллæ дыууæ фæлтæр хъомылгæнджытæй рæвдыдхъуаг нæ уыд æмæ йæ иууыл стырдæр куыст та уыд ахуыр æмæ ахуыр. Зæрдæргъæвд, цардæфсæст чызг кæд буц хъомыл кодта, уæддæр уыд коммæгæс, æгъдауджын. Йæ хъомылгæнæг мад Назирæт Аллæйы уды нывæрдта ирон сылгоймаджы удварны æппæт хæрзиуæгон миниуджытæ - уæздандзинад, æфсæрмдзæстыг, хистæрæн кад æмæ аргъ кæнын æмæ сæйраджы сæйраг та - куыстуарзондзинад. Уый фæбæрæг, скъолайы ма куы ахуыр кодта, уæд. Тынг хорз нысæнттимæ куы бакаст нæ горæты 9-æм астæуккаг скъола, уæд фидарæй сфæнд кодта дохтыр суæвын. Аллæ йæ зонындзинæдтыл зæрдæдаргæйæ, йæ гæххæттытæ балæвæрдта Тбилисы медицинон институтмæ. Исæн фæлварæнты рæстæджы йын йæ дзуаппытыл тынг фæдис кодтой, æмæ йæ айстой ахуырмæ - ссис ацы медицинон институты студенткæ.

Йе студентон азты дæр цæстæвæрæн фæцис йæ ахуыр, йе 'гъдауæй. Фæлæ абон дæр Аллæйæ нæ рох кæны, куыд æй хицæн кодтой, куыд ын зонын кодтой, ирон чызг кæй у, уый. Йæ ахуыры рæстæг та æрхауд, Гуырдзыстоны националистон змæлд тынг кæнын куы райдыдта æмæ ирæттæм ахасты æргом ныхмæлæуды фæндагыл куы ныллæууыдысты, уæдмæ. Аллæ, 6 азы дæргъы Тбилисы гуырдзиаг адæмы 'хсæн уæвгæйæ, къæм абадын никуы бауагъта ирон чызджы намысыл. Уый нæ, фæлæ ма сæрыстыр дæр уыд йæхицæй, йæ адæмы минæвар кæй уыдис, уый тыххæй.
Бирæ нал хъуыдис Аллæйы йæ уарзон дæсныйад райсынмæ. Фæлæ уæдмæ æрбалæууыдысты нæ адæмæн хъизæмайраг азтæ. Райдыдта ирон-гуырдзиаг ныхмæлæууынад. Уæд Аллæ ахуыр кодта 6-æм курсы. Зымæгон улæфтыты рæстæджы æрбацыдис йæ ныййарджытæм, фæлæ йын фæстæмæ аздæхын нал бантыст. 1990-æм азы цыппурс нæ адæмæн ссис тугæйдзаг цыппурс. Уæд нæм гуырдзиаг æнæформалтæ горæтмæ æхсæвыгон, сусæгæй æрбабырстой. Уæд фæзындысты геноциды фыццаг амæттæгтæ. Аллæйæн æндæр амал нал уыдис æмæ йæ ахуыр адарддæр кодта Цæгат Ирыстоны медицинон академийы. Радта паддзахадон фæлварæнтæ. Интернатурæ дæр уым бакаст. Йæхи амондджыныл нымадта Цоцион. Сæххæст йæ бæллиц. Гиппократы ардбахæрды райсыны фæстæ æрыздæхт йæ райгуырæн горæтмæ æмæ кусын райдыдта Цхинвалы районон поликлиникæйы терапевтæй.
Адæймаг йæ хъуыддагыл æнувыд куы уа, бæрндзинад куы хæсса, йæ куыст зæрдиагæй куы кæна, уæд арфæйаг вæййы. Фæлæ Аллæйæн йæ амондджын цард фæбылкъахыр. Æрбалæууыд 1992 азы 20 май. Зары фæндагыл сухты цагъд кæй ныккодтой, уыдонимæ уыд Аллæйы хъомылгæнæг Хъоцыты Назирæт дæр. Уыцы стыр маст нæ баурæдта Сурен дæр æмæ йе 'мкъайы фæстæ бирæ нал ахаста. Цард цыма алæбырд Аллæйы къæхты бынæй, афтæ йæм фæкаст. Нал уыдысты йæ фарсмæ, мад-фыды рæвдыд кæмæй зыдта, уыцы хъомылгæнджытæ.
Зын рæстæджытæ скодта уæд нæ адæмыл дæр. Цалдæргай мæйты-иу нæ райстам куыстмызд. Тыхстис Аллæ дæр æнæ суг, æнæ дон, æнæ рухс, æнæ мыздæй. Дыууæ сывæллоны та хъуыд хъомыл кæнын æмæ бинонтæ ацыдысты Дзæуджыхъæумæ куыстыл фæхæст уæвыны ныф-симæ, стæй хъуыды кодта йæ дæсныйад дæр фæбæрзонддæр кæныныл æмæ иу бон ахæм бæллицимæ медакадемийы балæууыд. Кæд зынтæй, уæддæр æй райстой куыстмæ. Райдианы дзы уый куыста фармокологийы кафедрæйы ассистентæй, фæсаууонмæ та ссис уыцы кафедрæйы аспиранткæ. Æппæт уыдæттæн хъуыд рæстæг æмæ уый кæд нæ фаг кодта Аллæйæн, уæддæр змæлыд, куыста, архайдта, йæхиуыл æнæауæрдгæйæ. Æмæ йын æнтысгæ дæр бакодта. Бахъахъхъæдта медицинон зонæдты кандидаты ном æмæ фæстæдæр та - медицинон зонæдты докторы ном. Æмæ йын уæд бар радтой уыцы кафедрæйы лекцитæ кæсынæн. Цæгат Ирыстоны паддзахадон медицинон акаде-мийы 17 азы дæргъы каст лекцитæ, æмæ дзы кæд фæсмон цæуыл фæкодтаид, ахæмæй ницы уыд, уæддæр æй йæ зæрдæ æдзухдæр æлвæста йæ райгуырæн горæтмæ. Арæх-иу абæрæг кодта йæ ныййарджыты. Æмæ йæ мад Цхуырбиан куы æруатон, уæд ныууагъта йæ куыст æмæ балæууыд йе 'нцой. Нал аздæхт фæстæмæ æмæ куыстагур балæууыд РХИ-йы Æнæниздзинад хъахъхъæнынады министрады. Райстой йæ куыстмæ, снысан æй кодтой нæ горæты поликлиникæйы сæргълæууæгæй.
Зын уыд йæ райдианы. Куыст фыц-цаджыдæр домы дисциплинæ, кусджыты зæрдæтæм фæндаг арын, дæ зонындзинæдтыл æууæндын. Хъыгагæн, уый нæ бафты алы къухдариуæггæнæджы къухты. Фæлæ Цоциты Аллæ Русланы чызгæй уый нæ зæгъдзынæ. Уый разынд йæ хъуыд-даджы дæсны æмæ арæхстджын къухдариуæггæнæг. Дæ хъуыддаджы дæсны куы уай, уæд кусджыты зæрдæхудты дæр нæ бацæудзынæ. Аллæ тынг домаг у йæхицæй æмæ афтæ домы куыст иннæ медперсоналæй дæр. Цоцион кæд афæдзы йедтæмæ нæма кусы, уæддæр ын бирæ бантыст поликлиникæйы кусджыты куыс-ты уавæртæ фæхуыздæр кæнын, уыимæ та рынчынтæн лæггад кæныны æмвæзад фæбæрзонддæр кæныны. РХИ-йы Æнæниздзинад хъахъхъæныны министрады æххуысæй йæ къухты бафтыд поликлиникæйы хъæуæг нырыккон медицинон аппаратурæ самал кæнын. Афтæмæй бирæ цауты рæстæджы рынчынты цæуын нал бахъæуы Цæгат Ирыстонмæ. Уыцы аппаратурæйыл кусы, йæ хъуыддаг хорз чи зоны, ахæм дохтыр Хуыгаты Тамарæ. Æцæг ын сывæллон райгуырд æмæ уый кæд амонды хъуыддаг у, уæддæр Аллæ хъыг кæны, сæ куыст кæй фæстиат кæны, уый тыххæй, уымæн æмæ йæ кæмæй баива, уый нæй. Ис сæм, йæ хъуыддаг хорз чи зоны, узи-диагностикæ чи аразы, ахæм æвзонг специалист Джиоты Аленæ. Æмæ уый дæр тынг архайы рынчынтæн лæггад кæныныл.
Аллæ куыд зæгъы, афтæмæй сын нæй рентгены аппаратурæ дæр. Фæлæ ацы къæсхуыртæ, сабыр, уæздан сылгоймаджы удыхъæды бафиппайæн ис принципиалондзинад. Куыстмæ æрывнæлдта, уæд æй кæронмæ акæндзæн. Уæдæ ныфсбавæрæн ис, рентгены аппаратурæ самал кæнын дæр йæ къухты кæй бафтдзæн, уымæй.
Медицинæ иу ран нæ лæууы. Нæ тагъдивæг дугау уый дæр тындзы размæ. Уый хынцгæйæ, Аллæ бирæ кæсы медицинæйы фæдыл ног литературæ. Хорз æмбары, дохтыр медицинæимæ æмдзу кæй хъуамæ кæна. Уымæ гæсгæ йæхæдæг куыд кæсы литературæ, афтæ хæссы æмæ поликлиникæйы иннæ дохтыртæн дæр кæсынмæ дæтты бирæ медицинон чингуытæ.
Æнæуыйдæр, куыд ма загътам, афтæмæй горæтон поликлиникæйы медперсоналы куыстæй рахъастгæнæн нæй, фæлæ уæддæр медицинон зонæдты доктор Цоциты Аллæйы хъуыды æппæт медперсоналмæ дæр у ахæм, зæгъгæ, дохтырæн йæ хостæй йæ дзыхы ныхас, йæ аудындзинад рынчынтæн къаддæр æххуыс не сты. Низимæ тох кæнынц дохтыр æмæ рынчын йæхæдæг. Æмæ цæмæй рынчынæн йæ зæрдæ ма асæтта, низы йæхицæй фæсура, уый тыххæй дохтыр йæ фарсмæ хъуамæ хъæддыхæй лæууа æмæ дзы ныфс бауадза. Ахæм у йæ хъуыды Цоциты Аллæйæн.
Аллæ амондджын у хисæрмагонд царды дæр. Йæ цардæмбал Тыбылты Сергеимæ схъомыл кодтой дыууæ фырты. Хистæр - Александр, равзæрста йæ мадау дохтыры дæсныйад. Райста стоматолоджы дæсныйад. Кæстæр Алан та ахуыр кæны Санкт-Петербурджы Разамынд кæныны институты.
Афтæ у, адæймаг бæрндзинад куы æнкъара адæмы раз дæр æмæ йæхи, йæ бинонты раз дæр, уæд ын æнтыст æнæмæнг вæййы. Æнтыстытæ ис Аллæйæн дæр йæ фæллойадон архайды, йæ царды æмæ дарддæр дæр æфтæнт йæ къухты.
БЕСТАУТЫ Валя
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Информация

Посетители, находящиеся в группе Гости, не могут оставлять комментарии к данной публикации.
Солнечный

Солнечный

Экстренные службы

  • 112 – МЧС РЮО
  • 101 – Пожарная служба
  • 102 – Милиция
  • 103 – Скорая мед. помощь
  • 104 – Аварийная служба газа
  • 8098595 – Водоканал
  • 806 5030 – Защита прав потребителей
  • 805 47 71 – Вывоз строительного и бытового мусора
ЮОГУ

Потолки

Цитаты

Если у тебя получилось обмануть человека, это не значит, что он дурак, это значит, что тебе доверяли больше, чем ты этого заслуживаешь.
***
Когда мне было 5 лет, мама всегда твердила мне, что самое важное в жизни — быть счастливым. Когда я пошел в школу, меня спросили, кем я хочу стать, когда вырасту. Я написал «счастливым». Мне сказали – «ты не понял задание», а я ответил — «вы не поняли жизнь».
***
Настоящий друг — это человек, который выскажет тебе в глаза все, что о тебе думает, а всем скажет, что ты — замечательный человек. © Омар Хайям,
***
Не всегда просит прощения тот, кто виноват. Просит прощения тот, кто дорожит отношениями.
***
Производство сайтов

Новости

«    Июль 2020    »
ПнВтСрЧтПтСбВс
 12345
6789101112
13141516171819
20212223242526
2728293031 


Габулик

Энергоресур

Объявления

Радио ОНЛАЙН!

Радио ОНЛАЙН!