Æгæр та сбирæ сты уынгты...

20 июля 2015 Новости [читать комментарии] [размер шрифта: a- | А+] [3 134 просмотра] [версия для печати]
Фæстаг дыууæ азы нæ цардуагон уавæртæ бирæбæрцæй кæй фæхуыздæр сты, уымæн æвдисæн сты нæ горæты цæрджытæ се ’ппæт дæр. Президент Тыбылты Леонид йе ’рвылкъуырион æмбырдты рæстæджы карзæй домы РХИ-йы Арæзтад æмæ архитектурæйы министрад æмæ подрядон организациты къухдариуæггæнджытæй, цæмæй нæ горæты арæзтадон куыстытæ снысангонд æмгъуыдмæ гъæдджынæй фæуой. Ныртæккæ та арæзтадон куыстытæ сæ тæмæны сты нæ горæты рæсугъддæр æмæ стырдæр уынгтæй сæ иу — Октябры уынджы. Ныфс нæ бацыд, тагъд рæстæджы нæ уарзон æмæ хæствæллад горæт йæ раздæры хуыз кæй æрцахсдзæн, уымæй.
О, фæлæ не ’рвылбонон царды иуæй-иу адæймæгты аххосæй, уæддæр æмæ уæддæр æмбæлæм проблемæтыл, кæцытæн сæ фылдæр хай у æнцон аскъуыддзаггæнæн. Уыцы проблемæтæй сæ иу — нæ горæты уынгты дзæгъæл куыйтæ дыууæрдæм кæй хъеллау кæнынц, уый, кæцытæн сæ фылдæр рынчын сты алыгъуызон хæцгæ низтæй.

Дзæгъæл куыйтæ нæ горæты цæрджытæй æмæ æрцæуæггаг уазджытæй дæр бирæтыл фæхæцынц æмæ бахауынц республикон рынчындонмæ. Фæстаг цалдæр мæйы дæргъы нæ горæты уынгты æдæрсгæйæ ацæуæнтæ нал ис, куыйтæ та æгæр кæй сарæх сты, уый аххосæй. Ивгъуыд азты Цхинвалы администрацийы æххуысæй дзæгъæл куыйтæй дзæвгар скуынæг кодтой. Уый, кæй зæгъын æй хъæуы, хорз хъуыддаг уыд, фæлæ уыдон регулярон æгъдауæй куынæг куынæ цæуой, уæд та цыбыр рæстæгмæ сбирæ вæййынц.
Дзæгъæл куыйты нымæц фылдæр кæны нæ республикæйы иуæй-иу цæрджыты аххосæй дæр. Хъуыддаг уый мидæг ис, æмæ ахæмты сæ куыйтæ куынæуал фæхъæуынц, уæд сæ машинæтыл сæвæрынц æмæ сæ сæ цæрæн бынæттæй дард аппарынц. Афтæмæй дзæгъæл куыйты нымæц сбирæ ис æмæ адæймаджы размæ æнæнхъæлæджы куы кæцы къуымæй рагæпп кæнынц, куы кæцы. Иу дзырдæй, уынгты æдæрсгæйæ ацæуæнтæ нал ис. Дзæгъæл куыйтæ сты алыгъуызон низты, уыцы нымæцы æрранизы вирусы хæсджытæ дæр. Фæстаг цалдæр азы уыдон нæ горæты цæрджытæй бирæтыл фæхæцыдысты. 2014 азы республикон соматикон рынчындонмæ куыдзы хæстытимæ æххуысагур бацыдысты 618 адæймаджы. 2015 азы январæй райдайгæйæ абоны онг та — 390 адæймаджы. 2014 азы æрдæгазимæ абаргæйæ, 2015 азы хъыгдардбаййафджыты нымæц фæфылдæр.

Кæд бирæ хæттыты бынæттон газетты фæрстыл фыстой ацы проблемæйы тыххæй, уæддæр хъуыддаг кæронмæ скъуыддзаг никуы æрцæуы, стæй дæр ма, уæлдæр куыд банысан кодтон, афтæмæй куыйтæ регулярон æгъдауæй куынæг куынæ цæуой, уæд ацы проблемæ æдзух дæр уæвынад кæндзæн не ’рвылбонон царды.
Нæ горæты цæрæг сылгоймагæн йæ авдаздзыд лæппу куыдзæй фæтарст æмæ къæзын (заикаться) кæнын райдыдта. Йæ ныййарджытæ йæ акодтой Дзæуджыхъæумæ, бахъуыд æй дыууæ хатты хосгæнæн курс рацæуын. Сывæллон радзæбæх, фæлæ та иу бон йæ мадимæ куы фæцæйцыд, уæд та иу хъæхъхъаг куыдз сæ размæ фæци æмæ сыл йæхи ныццавта. Хорз уыд, æмæ уырдæм æввахс лæппутæ лæууыдысты æмæ куыдзы уыдон асырдтой, æндæра сыл фæхæцыдаид. Фæлæ та чысыл лæппу фæтарст æмæ та йæ низ ногæй сытынг, бахъуыд та йæ дохтырты сæр. Æрæджы горæты посты хайады пост-хæсджытæй дæр дыууæ сылгоймагыл фæхæцыдысты дзæгъæл куыйтæ, уы-дон горæты уынгты газеттæ куы уæрстой, уæд.
Къуырисæры, 13 июлы ме ’мкусæгимæ куыстæй рацæйцыдыстæм Ленины уынджы, куыддæр 6-æм астæуккаг скъолайы цурмæ æрхæццæ стæм, афтæ нæ хъустыл ауад тыхджын гуыпп. Акастыстæм, гуыпп кæцæй фæцыд, уырдæм æмæ федтам: фæсарæйнаг хæд-тулгæйы размæ рагæпп кодта иу стыр сау куыдз æмæ йæ ныццавта, уый ма йæ тæвдæй хъыс-хъысгæнгæ алыгъд Хъоцыйы фырты уынджы ’рдæм. Машинæ разæй батасыд, хорз уыд æмæ æнамонд цау не ’рцыд, фæлæ машинæйы хицауы бахъæудзæн æхца йе сцалцæг кæнынæн. Æмæ цал æмæ цал ахæм цауæн ис æрхæссæн. Æгæрыстæмæй, ацы аз Уæлахизы 70 азы боны цытæн Театралон фæзуаты цы парад уыд, уый телеуынынады куы æвдыстой, уæд дзы дыууæ хатты разындысты дзæгъæл куыйтæ адæмы цурты фæцæйцæугæйæ.
Дзæгъæл куыйтæ та кæй сарæх сты, уый тыххæй бахатыдыстæм Цхинвалы администрацийы цæрæнуатон-коммуналон хæдзарады хистæр Тыбылты Геннадимæ æмæ нын афтæ радзырдта: «Дзæгъæл куыйты марын мах хæс нæу. Горæты администраци бадзырдта Мидхъуыддæгты министрадимæ, цæмæй уыдон æхсой дзæгъæл куыйты. Уый тыххæй сын нæ управлени фиды æхца — иу куыдзы амарæггаг 250 сомы. Уый æддейæ ма сын боны мидæг сæ машинæйы ныккæнæм 10 литры æртаг. Махæн нæ хæс у мард куыйты утилизаци кæнын, ис нын биотермикон уæрм, уырдæм сæ аласынц сæрмагонд Газелыл æртæ кусæджы, басудзынц сæ æмæ сæ уый фæстæ баныгæнынц. Æрæджы горæты администрацийы сæргълæууæг Æлборты Алан дзæгъæл куыйты проблемæйы тыххæй йæхимæ фæхуыдта Мидхъуыддæгты министрады Сæрмагонд нысаниуæджы къорды дыууæ кусæджы. Уыдон рагæй æмгуыст кæнынц немæ, æмæ Æлборы фыртæн фехъусын кодтой, зæгъгæ, нæм нæмгуытæ нæй куыйты æхсыны тыххæй, стæй, зæгъ, нæм финансон фæрæзтæ дæр нæй нæмгуытæ балхæнынæн. Уæд Æлборты Аланы бахæсмæ гæсгæ, хæрзарæзтады комбинаты хистæр Габуты Инал Мидхъуыддæгты министрады хыгъдмæ ахынцыдта 20 мин сомы. Уыдон æрæвнæлдтой куыйты марынмæ ацы къуырийы райдианы æмæ амардтой 11 дзæгъæл куыдзы. Уый размæ марты мæйы та амардтой 23 дзæгъæл куыдзы. Махмæ фехъусын кæнынц, куыйты мæрдтæ цы уынгтыл вæййынц, уый, нæ кусджытæ ацæуынц æмæ сæ аласынц æмбæлон ранмæ», — радзырдта нын Тыбылты Геннади.
Иннæ ахæм та, нæ горæты цæрджытæй куыйтæ чи дары, уыдон сты. Сæ куыйты рауадзынц уынгтæм æнæ сæхи æмæ адæмы тæрсын кæнынц. Искæмæн дзы куы бауайдзæф кæнай, зæгъгæ, дæ куыдзы æнæ хицауæй уынгмæ цæмæн рауагътай, уæд дæ йæхæдæг уайдзæфты бын фæкæндзæн, зæгъгæ, цы дæ хъыгдары мæ куыдз, нæ хæцы. О, куыдз, чизоны, йæ хицауыл нæ фæхæца, фæлæ æнæзонгæ адæймагыл нæ бацуарддзæн. Цалдæр боны размæ нæ горæты 10-æм астæуккаг скъолайы районы цæрæг Цхуырбаты бинонтæн сæ чысыл лæппу Казик уынджы хъазыд, уа-лынмæ йæм æрбалæбурдтой сæ сыхæгты цыппар куыдзы æмæ йæ сæ быны скодтой, тыхамæлттæй ма йæ байстой сæ дзыхæй, цалдæр раны йыл фæхæцыдысты, афтæмæй. Лæппу бахаудта рынчындонмæ, йæ хъæдгæмтты йын бахъуыд бахуыйын. Психикон травмæ дæр кæй райста, уымæ гæсгæ абоны онг дæр йæхимæ нæма æрцыд. Ам мæ бахатын фæнды горæт Цхинвалы мидхъуыд-дæгты управленийы къухдариуæгадмæ, цæмæй уыдон сæ фадыгон милиционерты азилын кæной сæ фадгуытыл æмæ бафæдзæхсой куыйты хицæутты, цæмæй сæ дзæгъæлæй уынгтæм ма уадзой.
Хæдзарон куыйты сæ хицæуттæ уынгмæ кæй рауадзынц æмæ адæмы кæй хъыгдарынц, уый тыххæй мах бахатыдыстæм горæт Цхинвалы мидхъуыддæгты управленийы хистæр Наниты Игормæ, цæмæй нын радзура, фадыгон милиционертæ ацы проблемæйы тыххæй цы куыст кæнынц, уый тыххæй: «Фадыгон милиционертæ нын кæй нæ фаг кæнынц, уымæ гæсгæ махæн нæ бон нæу, æмæ горæты алы хæдзары дæр бабæрæг кæнæм. Фæлæ, нæ горæты цæрджытæй курæг дæн, цæмæй сæ искæйы хæдзарон куыдз куы бахъыгдара, уæд нæм ныффыссой куырдиат æмæ уæд æнæмæнгæйдæр сæ ныхмæ райсдзыстæм мадзæлттæ».
Уæдæ та йæ рæстæг фенын кæндзæн, уынгты дзæгъæл куыйты нымæц фæкъаддæр уыдзæн кæнæ та дзы бынтондæр нал хъеллау кæндзысты, уый. Фарстæуы, ацы проблемæ кæмæн бахæс кодтой, уыдон рæстæгыл сæ хæстæ цæмæннæ æххæст кæнынц? Æнæ-хъуаджы ма цæмæн халынц цæрджыты хæствæллад нуæрттæ?..
ДЖИОТЫ Екатеринæ
Источник - Газета Хурзарин.
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
21 июля 2015 01:38
дз?гъ?л куыйты тыхх?й иронау ?мб?лы фыссын ?й). тынг ахсджиаг хабар

Информация

Посетители, находящиеся в группе Гости, не могут оставлять комментарии к данной публикации.

 

хлеб

 

 

Экстренные службы

  • 112 – МЧС РЮО
  • 101 – Пожарная служба
  • 102 – Милиция
  • 103 – Скорая мед. помощь
  • 104 – Аварийная служба газа
  • 8098595 – Водоканал
  • 806 5030 – Защита прав потребителей
  • 805 47 71 – Вывоз строительного и бытового мусора
ЮОГУ

Цитаты

Иногда хватает мгновения, чтобы забыть жизнь, а иногда не хватает жизни, чтобы забыть мгновение. Джим Моррисон
***
Каждый живет, как хочет, и расплачивается за это сам. Дориан Грей
***
Сильные люди не любят свидетелей своей слабости. Маргарет Митчелл
***
У людей теперь нет времени друг для друга. Кларисса Маклеллан
***
Хорошие друзья, хорошие книги и спящая совесть – вот идеальная жизнь. Марк Твен

Все комментарии

 

Энергоресур

Объявления

Из Цхинвала в Москву отправляться грузовой авто транспорт. Выезд 15-го в Москву, 18-19 в Москве, и 20-го обратно в Цхинвал. Тел 8 929 804 55 31 Тел в Москве 8 928 857 55 50. Вова
***

Услуги по заправке картриджей и ремонту принтеров . Быстро недорого с гарантией!
10 лет качественной работы! Так же продаются Б/У принтеры в хорошем состоянии, фирмы: Canon, Samsung , HP и Xerox. Телефон для справок +7 929 804 44 74, спросить Колю

***
***

Радио ОНЛАЙН!

Радио ОНЛАЙН!