ХУЫЗДÆРТЫ ‘ХСÆН – ХУЫЗДÆРТÆ

Аивадон коллективты æмвæзад фæбæрзонддæр кæнынæн ахъаз сты алыхуызон æркастытæ æмæ фембæлдтытæ. Уыдон фæрцы зонгæ кæнынц кæрæдзийы фæлтæрддзинадимæ æмæ уый фæрцы хъæздыгдæр æмæ нуарджындæр кæны сæ репертуар. Æппæт уыдæттæ зæрдыл даргæйæ, Цхинвалы районы администрацийы Культурæйы управленийы (хистæр Гаглойты Ростислав) хæдархайгæ аивадон коллективты ‘хсæн алы аз дæр уагъд æрцæуы æркаст. Уыцы нысанæн та æрæджы уагъд æрцыд æрвылазон цыппæрæм районон æркаст æмæ дзы хайад райстой 7 аивадон къорды.

Райдианы мадзаламонæг зæрдиаг арфæ ракодта æркасты хайадисджытæн æмæ йæ уыдонæн бафæндыд сæ хæрзиуæгон архайд æмæ хисæрмагонд царды хорз æнтыстытæ. Бæрæгбонон мадзал байгом кодта æмæ йæ хайадисджытæн музыкалон лæвар бакодта вокалон къорд «Ирон фæндыр». Уый фæстæ æрæмбырдуæвджыты зарæгæй бахъæлдзæг кодтой Хацырты Земæ æмæ Джиголаты Ларисæ. Сценæмæ фыццаг рахызтысты Тъбеты хъæууон Культурæйы хæдзары аивадон къорды уæнгтæ. Галуанты Людæйы æмдзæвгæ «Симд» аив бакаст Æлборты Алинæ, йæ хæдфæстæ райхъуыст Яралов Владик æмæ Якименко Алыксандры фæндыр æмæ гуымсæджы цагъд. Кафджыты къорд (æвæрæг Хуссар Ирыстоны сгуыхт артист Санахъоты Инал) тынг зæрдæмæдзæугæ сæххæст кодта ирон дзыллон кафт «Симд». Хетæгкаты Къостайы æмдзæвгæ «Бирæгъ æмæ хърихъупп» аив бакаст Табуты Марат, стæй та кафджыты къорд аив акафыд «Хонгæ кафт». Æмдзæвгæ «Ирон æвзаг» бакаст æмæ йæ аивадон хорз ранывæстæй мадзалмæ æрцæуджыты йæхимæ æрыхъусын кодта Культурæйы хæдзары директор Хаситы Ленæ. Уый фæстæ гуымсæгыл ацагътой Джусойты Георги, Кокойты Инал, Бæгъиаты Георги æмæ Икъаты Эдуард. Зæрдæмæдзæугæ рауад кафджыты къордæн «Чызджыты кафт» дæр. Культурæйы хæдзары коллектив ма сæвæрдта æмæ сценæмæкæсджыты зæрдæтæ барухс кодтой, Нартыхты Григолы пьесæ «Файнустытæй» скъуыддзагмæ куы бакастысты, уæд. Спектакль сæвæрыныл бакуыста Хаситы Ленæ, хицæн рольтæ та сæххæст кодтой Дзуццаты Викто-рия, Ходты Вандæ, Кокойты Инал æмæ Цоциты Аленæ.

Дменисы Культурæйы хæдзары репертуар фæхъæздыгдæр кæныныл бакуыстой нæ республикæйы сгуыхт артист Икъаты Ануси, аивадон разамонæг, сгуыхт артист Икъаты Ибрагим æмæ хореограф, культурæйы сгуыхт архайæг Козаты Радион. Аккомпониатортæ та уыдысты Дыгъуызты Георги æмæ Бестауты Кавказ. Кафджыты къорд сæххæст кодтой кæфтытæ «Чызджыты кафт», «Дыууæ хæлары кафт» æмæ «Хæххон кафт». Сæ репертуары ма уыд дыууæ зарæджы. Театралон жанрæй бацæттæ кодтой æмæ равдыстой «Горæттаг чындз». Æмдзæвгæтæ «Зынгхуыст салдаты монолог», «Ирон лæг хъуамæ баззайа иронæй» æмæ «Мæ уды рис» радзырдтой Уалыты Аслан, Джиголаты Аланæ æмæ Сидæмонты Владик.

Къостайыхъæуы Культурæйы хæдзар (директор Мамиты Дзерассæ) сценæйыл фенын кодтой ахæм номыртæ, куыд «Хонгæ кафт», «Чызджыты кафт», «Ерысы кафт» æмæ «Авайраг кафт». Æмдзæвгæ «Гæздæнты авд æфсымæры» хорз бакастысты Джиоты Миланæ æмæ Лохты Аминæ, зарæггæнджыты къорд та сæххæст кодта уырыссаг зарæг «Ка-тюшæ». Æрæмбырдуæвджытæ ма байхъуыстой æмдзæвгæ «Хъахъхъæнут ныййарджыты». Хæдахуыр артисттæ сценæмæ рахастой æмæ равдыстой Куыдзеты Янейы бацæттæгонд «Æфсины катай» æмæ ирон мелоди та фæндырыл аив сæххæст кодта Дудайты Сæрмæт.

Сывæллæтты хореографион ансамбль «Малусæг» (йæ разамонæг Гаглойты Изольдæ, хореограф Асаты Никъала) бацæттæ кодтой æмæ сæвæрдтой «Къæйттæй кафт» æмæ «Ерысы кафт». Æркасты ма хайад райстой æмæ сæ аивад равдыстой Хелцуа æмæ Зары аивадон коллективтæ дæр.

Кæронбæттæны жюрийы уæнгтæ бынæттæ адих кодтой афтæ:

Кæфтытæй фыццаг бынат бацахста Тъбеты Культурæйы хæдзары коллектив, дыккаг бынат адих кодтой Дменис æмæ Къостайыхъæуы коллективтæ, зарынæй фыццаг уыд Дменис, дыккаг бынатмæ рахызт Хелцуа æмæ æртыккаг та уыд Къостайыхъæу. Театралон жанр æмæ аивадон бакастæй фыццаг бынат райста Къостайыхъæуы Культурæйы хæдзар, дыккаг бынат фæци Тъбеты æмæ æртыккаг призон бынатмæ та рахызт Дменисы коллектив. Уæлахиздзаутæ æмæ призон бынæттæ бацахсæг Культурæйы хæдзæрттæ хорзæхджын æрцыдысты сæрмагонд призтæй.

ХУЫБИАТЫ Никъала
Источник - Газета Хурзарин.
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Информация

Посетители, находящиеся в группе Гости, не могут оставлять комментарии к данной публикации.

 

хлеб

 

 

Экстренные службы

  • 112 – МЧС РЮО
  • 101 – Пожарная служба
  • 102 – Милиция
  • 103 – Скорая мед. помощь
  • 104 – Аварийная служба газа
  • 8098595 – Водоканал
  • 806 5030 – Защита прав потребителей
  • 805 47 71 – Вывоз строительного и бытового мусора
ЮОГУ

Цитаты

Иногда хватает мгновения, чтобы забыть жизнь, а иногда не хватает жизни, чтобы забыть мгновение. Джим Моррисон
***
Каждый живет, как хочет, и расплачивается за это сам. Дориан Грей
***
Сильные люди не любят свидетелей своей слабости. Маргарет Митчелл
***
У людей теперь нет времени друг для друга. Кларисса Маклеллан
***
Хорошие друзья, хорошие книги и спящая совесть – вот идеальная жизнь. Марк Твен

Все комментарии

 

Энергоресур

Объявления

Из Цхинвала в Москву отправляться грузовой авто транспорт. Выезд 15-го в Москву, 18-19 в Москве, и 20-го обратно в Цхинвал. Тел 8 929 804 55 31 Тел в Москве 8 928 857 55 50. Вова
***

Услуги по заправке картриджей и ремонту принтеров . Быстро недорого с гарантией!
10 лет качественной работы! Так же продаются Б/У принтеры в хорошем состоянии, фирмы: Canon, Samsung , HP и Xerox. Телефон для справок +7 929 804 44 74, спросить Колю

***
***

Радио ОНЛАЙН!

Радио ОНЛАЙН!